Það er nú svoddan!

Fyrir utan jólin er tvö vinsæl umræðuefni á kaffistofum landsins

1. Byrgis-hneykslið og nauðgarar sem ganga lausir, þessi tengill er líka í umræðunni, enda svæsið og raunverulegt dæmi um barnaníðing á netinu. Ég segi bara, varúð ekki fyrir viðkvæma.

2. Vatnsveðrið og rokið, það er sko aldeilis ýmislegt búið að ganga á hér á klakanum, svo ekki sé minnst á ástandið á Heathrow, pjúff! Ég hrökk einmitt í kút áðan þegar gasgrill nágrannanna tókst á loft og brotlenti fyrir framan útidyrahurðina hjá mér með tilheyrandi látum. Sem betur fer var enginn fyrir framan dyrnar því hann hefði sennilega ekki getað forðað sér úr skotinu, hjúkket!

Vonandi verður nú þetta orðið skárra á morgun svo maður geti kíkt í bæinn á Þorláknum.

Veðurbarðar jólakveðjur

Athugasemdir

[María Th. (IP-tala skráð) 23.12.2006 kl. 11:00]

Já það hefur verið nóg að gera hjá öllum aðilum sem koma að almannavörnum og björgunaraðgerðum víða um land...og björgunarsveitarfólk í sjálfboðastarfi sólarhringum saman!   Allir að styrkja björgunarsveit síns svæðis, kaupið flugelda (smá auglýsing hérna, hehe)..

Gott að heyra að afmælisgjöfin kom sér vel fyrir hátíðardekur!  sjáumst fljótlega og takk fyrir kort, eina jólakortið mitt, hæstánægð, búin að stilla því upp! tíhí

[Kolbrún Guðríður Haraldsdóttir, 23.12.2006 kl. 12:52]

Já alveg rétt María, mér finnst algjör skylda að fólk kaupi flugelda  hjá björgunarsveitunum, hálft Ísland væri fjúkandi og á floti ef ekki nyti ykkar við!