Í dag varð ég Íslendingur

Sumum ykkar finnst fyrirsögnin kannski heldur mótsagnakennd en ég held að í dag sé ég orðinn sannur Íslendingur.

Þegar ég ólst upp var efnahagsástandið á Íslandi ekki alltaf gott. En frá því ég hef haft eitthvað með peninga að gera hefur efnahagslífið á Íslandi verið á blússandi ferð og allir haft nóg á milli handanna. Undan farnar vikur hefur lítið annað verið í fréttum en álit hins og þessa á efnahagnum og smátt og smátt hefur síast inn að núna séu aðhaldstímar í vændum. Engu að síður er það eins og að fá kalda tusku í andlitið að skrá sig inn á heimabankann og sjá að húsnæðislánin hafa hækkað um 350 þúsund á einu bretti.

Því líður mér núna eins og sönnum Íslendingi sem fær að upplifa verðbólguna og verðtrygginguna á eigin skinni.

Sem betur fer höfðum vit á því að spara til mögru áranna, nú eru þau runnin upp og þá er gengur þetta, mánuð og mánuð í senn.

Athugasemdir

[Sigurborg ósk (IP-tala skráð) 11.5.2008 kl. 18:54]

Hahahaha, aldrei dytti mér annað í hug en þið hefuð vit á því að safna til mögru áranna systir góð!

Ég hef líka mikið upplifað mig sem Íslending hérna úti, því ég gæti alveg eins reynt að borga með Monopoly-peningum eins og íslenskum peningum....þeir eru sirka svipað mikils virði.

Kossar og knús yfir hafið til þín og Jens, hlakka til að hitta ykkur eftir rúmlega mánuð og skemmtið ykkur ógó vel í júróvisíon-partý! 

[Hrafnhildur (IP-tala skráð) 15.5.2008 kl. 10:14]

hva!!!!!!!!!!!!! er mér ekki boðið í eurovison partý????????????? í minni tíð þótti dónalegt að skilja útundan.