Gleðilegt sumar!

Jæja, ég fór loksins í dag og fagnaði sumrinu á viðeigandi hátt!

Dró hjólið fram úr geymslunni, það var að sjálfsögðu loftlaust eftir veturinn og engin pumpa til á þessum bæ. Fór því í göngutúr með hjólið á N1 á Gagnvegi, tekur ekki nema rúman hálftíma Veðrið er svo yndislegt að ég hjólaði extra langa leið heim og kom við í Bónus til að kaupa efnivið í heilsu-smoothie, ahhh Það var líka æðislegt að sjá alla krakkana úti að leika sér, það er jú besta merkið um að sumarið sé komið Og "nýja" hjólið mitt er æðislega yndislegt, alvöru DBS-dömugötuhjól með fótbremsu, stýri sem maður situr uppréttur við og rassvænum hnakki. Pabbi breytti þessum gæðingi meira að segja í gírahjól, heilir 3 gírar og ég er hæstánægð (hef aldrei skilið hver notar 21 gír á hjóli).

Ég var meira að segja farin að gæla við að kaupa sæta körfu framan á hjólið og fara hjóla í síðu pilsi og sumarlegum mussum en mundi svo eftir að hjálmurinn fer afar illa við það og ég myndi sennilega flækja pilsið í keðjunni.... Ég held mig því við þjóðbúning nútíma íslenskra kvenna, gallabuxur og flíspeysu.

Gleðilegt hjólasumar!

Athugasemdir

[Hrafnhildur (IP-tala skráð) 29.4.2008 kl. 09:14]

Kennaralaunin hafa  bara hækkað.....  

[Hrafnhildur (IP-tala skráð) 29.4.2008 kl. 12:48]

Það var ég sem sendi boðin áðan..... gleymdi að kvitta sorry

[Sigurborg (IP-tala skráð) 29.4.2008 kl. 20:13]

Hey, siss bara orðin fræg!

Maður sér bloggið þitt í blaðinu og ég veit ekki hvað og hvað. Þetta hlýtur að vera eitt það jákvæðasta blogg sem ég hef lesið í langan tíma

og er eflaust ástæðan fyrir því að það var birt í blaðinu. Aðeins svona til að bæta og kæta fólk 

Ég vona að þú hafir það sem allra best og njótir þess að horfa á nýju hillusamstæðuna þína á hverjum degi!

Hlakka til að koma heim til Íslands, sérstaklega að koma í matarboð til ykkar Jens, nammi namm!

Kossar og knús frá litlu systir 

[Kolbrún Guðríður Haraldsdóttir, 29.4.2008 kl. 23:32]

Já, það kom mér skemmtilega á óvart að þeir skyldu velja að birta bloggið mitt í Mogganum, mjög gaman af því!

 Og mér líst ágætlega á nýgerða kjarasamninga, þetta er allavega í rétta átt, ég þarf að kynna mér þetta aðeins betur og svo mun ég gera upp við mig hvort ég samþykki þá! En þeir leggjast vel í mig

Knús til baka til þín Sigurborg mín, hlakka til að fá þig heim en vona um leið að þú njótir þín vel í útlandinu Stóru systur knús