Starfsmaður á plani

Mánudagur, 31. mars 2008

Ég hef lúmst gaman að skoðanakönnuninni sem er í gangi hérna hjá mér. Ég er að velta fyrir mér hvað ég eigi að taka mér fyrir hendur næsta vetur. Ég hef sérstaklega gaman af þeim sem kaus "Gamla, góða Esjuskálann", ég á nú þegar fimm ára glæstan starfsferil þar, verst að ég get ekki orðið starfsmaður á plani þar sem það er bara sjálfsafgreiðsla. Ég átti kannski möguleika á því þegar ég vann á Shell á Laugaveginum (þar sem Næturvaktin var einmitt tekin upp) en ég var bara vaktstjóri og réð yfir starfsmanni á plani, hehe.

Það er nú reyndar áhugavert, í þáttunum er fólkið sem að vinnur þarna svona áhugavert en mín reynsla var sú að kúnnarnir voru ekki minni karakterar. T.d. eru nokkrir yndislegir fastakúnnar sem búa í Sjálfsbjargarhúsunum, þeir voru alltaf mjög kurteisir og þægilegir kúnnar. Það kom líka slatti af þekktum andlitum þarna við og vel stæðir stresskarlar á fínum bílum, þeir voru því miður ekki alltaf jafn þægilegir. Sumir sáu sig reyndar knúna til þess að hreyta ónotum í Sjálfsbjargarfólkið, sem getur nú fæst gert af því hvernig það er. Einn þeirra sér um kerrurnar fyrir Bónus í Kringlunni og heilsar mér ennþá þegar hann sér mig, mjög krúttlegt.

Svona man maður ennþá eftir kúnnum, ég stend mig t.d. oft að því að nikka til fastakúnnana úr Esjuskálunum þegar ég rekst á þá í Krónunni í Mosó, eða sé fólk sem er greinilega að virða mig fyrir sér og reyna muna hvaðan það þekki mig.

Það er nefnilega sama hvaða vinnu maður er í , það er fólkið sem maður vinnur með sem gerir starfið af því sem það er.

Flokkur: Bloggar | Facebook

Athugasemdir

Það er rétt!! samstarfsmenn móta starfið..úff, Esjuskálinn our old famous and glorious place of work! hvernig væri nú það að sækja um þar?

rakst á Lind um daginn og við erum búnar að plana fyrir þig, heimsókn okkar til þín í maí þegar mesta skólastressið er runnið af okkur öllum! Erum báðar mjög spenntar að sjá nýju stofuna!!