Berbrjósta í sundi

Jæja, þá eru það niðurstöðurnar úr hinni æsispennandi könnun hérna á bloggsíðunni. Hugmyndin að könnuninni kom frá æsifréttamönnum Fréttablaðsins sem fluttu daglega fréttir af því að ekkert væri aðhafst í sundlaugum Reykjavíkurborgar kysu konur að flatmaga þar berbrjósta. Kysu konur að gera slíkt hið sama í Bláa lóninu væri þeim vísað upp úr, ekki ólíkt því sem sænskar konur þurfa að gera. En þá eru það niðurstöðurnar, mjög vísindalegar með 13 svarendum: 

Finnst þér í lagi að konur séu berbrjósta í sundi?

Já, það er jafnrétti 15,4%

Ójá! 30,8%

Jájá, ef þeim langar 23,1%

Mér finnst það óþarft 23,1%

Það særir blygðunarkennd mína 7,7%

Sé einhver að velta fyrir sér hver afstaða mín er þá kaus ég "já, já, ef þeim langar". Ég hef enga sérstaka löngun til þess að vera berbrjósta í sundi en ég held það trufli mig lítið ef einhverjum langar það.

Sennilega er þó lítil þörf á að móta sér skoðun á þessu máli þar sem ég held að það séu fáar konur sem langar að vera berbrjósta í sundi, kannski í mesta lagi að þær losi böndin ef þær liggja á maganum á sólbekkjunum!

Athugasemdir

[Hrafnhildur (IP-tala skráð) 19.2.2008 kl. 16:04]

Fer alltaf inn á þína síðu áður en ég kíki á litlu systur þína... og þarafleiðandi mættur þú blogga oftar....

það er nefnilega gaman af þessu...

Þróttarakveðjur...