Æ, æ, ó og aumingja ég....

Ég var orðin aum í hálsinum þegar ég kom heim úr vinnunni á föstudaginn. Eyddi laugardeginum í slappleika á sófanum og hrikalega verki í hálsinum. Ef maður tekur verkjalyf slær það nóg á verkina svo ég geti kyngt, drakk te í lítravís þann daginn.

Var svo hrikalega illt í dag og farin að hafa áhyggjur af eyrunum (ég mun ekki gleyma eyrnabólgunni sem ég fékk í fyrra meðan ég lifi) þannig ég dreif mig upp á læknavakt. Komst í gegnum umferðaröngþveiti kaupóðra Íslendinga í Smáratorginu, beið í klukkutíma eftir að komast að og læknirinn færði mér þau gleðitíðindi að það væri ekkert í eyrunum á mér. Bara væn strepptókokkasýking í hálsi.

Þar sem ég hef ofnæmi fyrir pensillíni (ekki nóg með að ég fengi sársaukafulla eyrnabólgu í fyrra, ég fékk líka heiftarleg útbrot af lyfjunum) þurfti ég að fá annað sýklalyf, 3ja daga skammtur af því fæst á litlar 3 þúsund krónur, kostakjör!

Fór og fékk lánaða Friends-þætti og DVD-myndir hjá bróður mínum, svona til þess að hafa ofan af fyrir mér á morgun.

Góðar stundir

Athugasemdir

[Sigrún Ágústa (IP-tala skráð) 26.11.2007 kl. 23:28]

Úfff elskan mín...ég sendi þér batakveðjur...ég er einmitt ennþá á sýklalyfjakúrnum mínum, reyndar bara einn dagur eftir á þeim...en ég gleymdi óvart að taka seinni töfluna á laugardaginn og fann strax daginn eftir að hálsinn á mér var farinn að bólgna og ég fann fyrir óþægindum við að kyngja...svo að það getur verið að ég þurfi annan 10 daga skammt...þessar streptakokkar eru viðbjóður :S en svona er þetta Kolla mín að vinna í bakteríu og veiruflóru :) hafðu það sem best elskan...heyrumst vonandi fljótlega...