Þá er komið að því!

Jæja, þá flytjum við á morgun! Búin að fá bíla, duglegt fólk og panta gott veður. Hentar okkur líka mjög vel að ónefnd pizzukeðja skuli hafa ákveðið að hafa megaviku akkúrat núna

Við eigum eftir að sakna miðbæjarsjarmans svolítið, allra krúttlegu húsanna, Pétursbúðar og nálægðarinnar við miðbæinn þegar eitthvað er í gangi þar t.d. á Menningarnótt.

Við eigum ekki eftir að sakna rúntarins í leit að bílastæði og fólksins sem vekur okkur um helgar þegar það er á leið á djammið eða heim af því. Ég á heldur ekki eftir að sakna trampsins í nágrönnunum (þó þeir séu að öðru leyti ágætir) eða sturtuhengisins sem sogast að manni í sturtunni....

Við getum varla beðið eftir að fá okkar einkabílastæði, frábæra útsýnið, sólríku svalirnar, allt skápaplássið og eftir að trampa ofan á nágrönnum okkar. Svo ekki sé minnst á að útburður á Fréttablaðinu er mun stöðugri en í Vesturbænum og Bónus í Grafarvogi er helmingi stærri en sá á Seltjarnarnesi!

Tja, eru það ekki bara öll lífsins gæði!?!

Spurning hvernig hljóðið í mér verður eftir flutningana. Hlaupin upp og niður stigana gera rassinn pottþétt stæltari en spurning hvort að það vegi upp á móti harðsperrunum og handleggjum niður að hnjám?

Góða helgi

Athugasemdir

[Iðunn (IP-tala skráð) 30.5.2007 kl. 22:50]

Hellú!!

Datt allt í einu inn á þessa síðu þegar ég var e-ð að vafrast :) Vona að þú munir eftir mér frá "the old days" hehe. En gaman aðeins að njósna um þig og sjá hvað þú ert að gera!! Til lukku með íbúðina, ástina, námið og alles :) ekkert búin að frétta af þér í nokkur ár, þannig gaman að lenda hér inn og sjá fréttir ! ;)

Gangi ykkur bara vel með allt og hafið það gott,

ég kíki kannski af og til hingað inn framvegis :)

kv. Iðunn fv. kvennópía

[Kolbrún Guðríður Haraldsdóttir, 3.6.2007 kl. 14:03]

Hæ Iðunn gella! Það væri nú gaman að heyra hvað þú ert að bauka þessa dagana Sendu mér endilega póst á þetta virðulega netfang (sem er einmitt frá því við vorum í Kvennó!) [e-mail]

[Edda AFSari (IP-tala skráð) 5.6.2007 kl. 22:27]

Hæ Kolla beib :)

Vildi bara kvitta fyrir mig og óska þér til hamingju með íbúðina!