Hlátur og grátur!

Ég er búin að eyða deginum í frábæra afþreyingu, lestur. Til dæmis er ég búin að lesa tvær barnabækur eftir Kristínu Helgu Gunnarsdóttur, ég er sko að taka kúrs í barnabókmenntum og þetta var heimaverkefnið, ekki oft sem að ég er svona viljug að lesa heima! Ég mæli sérstaklega með Fíusól gleðisprengju og sögunum um Binnu mína, þær eru alveg hrikalega fyndnar 

Ég sat allavegana í sófanum áðan og grenjaði af hlátri í orðsins fyllstu merkingu en sem betur fer var ég bara ein heima og ekki á almannafæri eins og þegar ég var að lesa Bridget Jones 2 á Lækjartorgi forðum daga og fólk var farið að líta á mig hornauga og taka stóran sveig fram hjá mér, eins og öllu hinu skrýtna fólkinu á Lækjartorgi

Ég sé allavegana fram á að vera hrikalega dugleg að lesa á þessarri önn, allavegana fyrir Barnabókmenntirnar....

Athugasemdir

[María Th. (IP-tala skráð) 23.1.2007 kl. 22:01]

Úff, hehe..barnabókmenntir eru nottla bara best of the best! Eðalefni, hreinar og beinar!   oh, ég elska þær..hehe

Elska ykkur líka, krúttípæ!

(Er búin að setja inn smá lesningu fyrir þig og fleiri aðdáendur inn á bloggið, tíhí!   )

Kveðja dántán..kem í bæinn á fimmtudaginn og hver veit nema ég staldri við fyrir sunnan yfir helgi. Verð í bandi!!